KUCHING, April 24, 2015 - Pelagus State Assemblyman George Lagong is using a unique way - the first by any state assemblyman - to convey problems or lack of development in his constituency
Instead of the usual way, he uses the "bebiau" style to convey the message when he took part in the debate on the motion of thanks on the address by the Sarawak Yang di-Pertua Negeri Tun Abdul Taib Mahmud.
The central message, he says, is on progress:
(a) Progress of the economy and industry;
(b) Progress of public infrastructure and public
administration; and
(c) Progress of human capital and environmental resources
management.
It is thus, Tuan Speaker, I seek your kind permission to
speak in Iban for the
remainder of my speech, to address the issue of progress
or lack of it of Iban community.]
Tuan Speaker, enti’ gendang rayah enda’ ditebah.
Tentu bunsu antu enda’ ninga.
Enti sebang enda’ diterantang.
Dini petara deka’ ngemata.
Ari nya, ke sekali tu’, aku enggau tabi’ basa.
Mai’ kitai sama ngekah leka entelah.
Tentu bisi’ orang ngumbai tu’ jai’. Tang mayuh mega
madahka tu’ manah.
Tentu bisi’ orang ngumbai tu ngelaung.
Lalu bisi’ mega madahka tu ngerenchah.
Kita’ ke deka’ ninga angka bisi’ ngumbai tu’ ngena’ Orang
ke enggai ninga bisi’ ga’ madahka tu’ salah.
Sekumbang ke udah enggau orang.
Nudukka menua Malaysia 51 taun tu’ ke udah.
Nama pemansang udah ulih kitai Dayak:
(1) Ari sukut economy?
(2) Ari sukut education?
(3) Ari sukut
cultural?
(4) Ari sukut politic?
(5) Ari sukut psychological?
(6) Ari sukut social?
(7) Ari sukut spiritual?
Baka merau’ , orang udah manggai dip ala’ liu’. Tang
kitai agi’ ngeredayau di kaki rantau.
Baka bejalai, orang udah manggai di rapi’ tatai.
Tang kitai agi’ dedayau di rapi’ pulau.
Baka bumai, orang udah nebang.
Tang kitai agi’ nasau.
Baka nunu, enggi’ orang udah angus ngamau.
Tang enggi’ kitai, reban pan empai mansau.
Ni enda’ tinggal sintau kemarau langkang?
Kai tu’ ketegal mimpi kitai Dayak enda’ nyentuk.
Datai di menua Lai Sengalai Lang Benguk.
Di Tuchung Besanjung Sinjang.
Tatai Isang?
Kati tu’ ketegal mimpi kitai Dayak enda’ datai.
Di Panggau Ragai Dedinggai Nadai Nenjang.
Panggau Lendat Betungkat Daun Sabang?
Kati tu’ ketegal mimpi kitai Dayak enda’ nuntung.
Di Gelong Batu Nakung Nyingit Nyingit Nyingung Nyandar
Nerabang.
Engkeranji’ Padi Richah Rami Nyampau Dikenang?
Kada enda amat jerita tuai.
Ti’ madahka kitai Dayak diajar ‘bejalai dulu’ belakang’?
Enti’ nitihka pematut, kitai Dayak udah patut bisi’:
Universiti – endur ngiri’ penemu, penau’ enggau
Pengelandik ngagai anak bansa.
Bansa kitai. Mit besai, biak tuai.
Patut nemu pemesai guna pelajar sekula.
Pelajar sekula nya pemungkah ulah.
Ari jai’ ngagai ke manah.
Pelajar sekula nya kunchi pengidup.
Pengerawang ati, penyawang seput.
Pelajar sekula nya lampu penenggau.
Tungkat pengidup lalau pendiau.
Pengedang tulang.
Pemugar pengelungau.
Laban iya tau’:
Ke rampai terabai kepit.
Tau ke baju peninding kulit.
Tau ke payung pengelindung langit.
Tau ke kelambi’ pemap belakang.
Tau ke gandar sembar tulang.
Tau ke bekal pesindang nyingkang.
Kitai Dayak mega udah patut bisi’:
Rumah Dayak tauka institusi ti’ sebaka.
Enggau Dewan Bahasa dan Pustaka.
Alai ngemansangka jaku’ Dayak.
Ti’ majak lenyau di dunya.
Alai kitai ngasu penemu kemenuku.
Ngira pengawa’ lama’, ngintu pengawa’ baru.
Alai kitai ngingatka tampuk adat.
Ngaduka tusun tunggu.
Ke pelasar kitai mintarka akal.
Ke pesindang kitai muka’ pemansang.
Ke Sulu’ kitai ngaduka perambu.
Laban:
Dikelala bungai ari kayu’ Dikelala buah ari langgu’
Dikelala ulah ari penuyu’ Dikelala perangai ari penau’ Dikelala pengidup ari
pengelusu’ Dikelala bansa ari penyiru’ Dikelala bansa ari jaku’ Kitai Dayak:
Ukai nadai duit, nadai ringgit
Ukai nadai utai, nadai pemandai
Tang nyangka kitai Dayak:
Nadai Tuai ke amat-amat tau’ dikumbai Tuai:
Keberani tan baka lantang Ningkan, Stephen Kalong.
Ke berani mejah atur ti salah baka Tun Jugah apai Irong.
Ke berani bejaku’ baka Koh, tuai dulu’ Rekaya Temenggong.
Ke berani pintar baka Bandar ke bejuluk Reba’ Nyegang
Nangga Keliung.
Ke berani amat baka Libau Rentap apai Tambong.
Ke berani kempang baka Balang Balai Nyabong.
Ke berani changka baka Rekaya Dana laki Tiong.
Kitai ke ngumbai diri Ketuai Dayak:
Ukai diukur ari pangkat aja’ Pangkat aja’ nadai guna
enti’ Enda’ dikena bekereja, ngemansangka bansa
Sesintung pan batu telu’ ketupung enggi’ kitai
Enti’ enda’ dianjung
Nadai mih nya tau’ meri’ untung menang bebeli.
Segantang pan batu lua’ kenyalang enggi’ kitai
Enti enda’ ditandang
Nadai mih nya tau’ meri’ tebilang pansut pemerani.
Se-engkabai pan batu lua’ berangai enggi’ kitai
Enti enda’ dianjung bumai
Nadai mih nya tau’ meri’ tebantai bulih padi.
Ni taja indu’ tajak kitai Dayak
Ke belanggai panjai bekengkang punggang
Kepai-kepai ngabu‘ diri’ nemuai ke Brunai pulai hari?
Ni landai indu’ landak kitai Dayak
Ke bebulu kak bekengkang labang
Puting juring ngujung geraji?
Ni beruang indu’ rak kitai Dayak
Ke ganggam lengan
Ngerumpang batang tebelian wi?
Nama aku nadai ninga nyawa Chemaru kitai Dayak
Negung, ngetanka padung di mua lubang?
Nama aku nadai ninga nyawa Nabau kitai Dayak
Bekangau, mai ngetanka Rantau Tabau Pengkalan Tawang?
Nama aku nadai ninga nyawa Burung Geruna kitai Dayak
Nyaris tetila, mai ngetanka sempadan Tinting Kedang?
Semina akan manuk kitai Dayak aja’ Ke bisi’ didinga aku
engkukuk ari teluk gelanggang
Ngerak tuai kitai Dayak, enggai ke lalu telunga’-lunga’
Mejau tinduk ngandau, enda nemu hari tawas teberingkas siang.
Nama penyadi, enti’ nama Dayak
Nyau danjan sulai lela’ Ke bedega’ nyarang taking?
Nama penyadi, enti’ nama Dayak
Nyau danjan sulai lenyau
Ari baruh pun sandau liau ke kekitau nyari lang?
Tanggungjawap kitai ke udah dipilih nyadi Tuai
Udah dipilih nyadi YB, ngena adat demokrasi
Mali disandang alang-alang
Mesti diangkatka penapat inat
Disengkidang beambis tulang.
Anang empelita’ megai bara’ Tak genggam kenchang
Sampai ke nyadi arang!
Kitai ke Tuai patut ngemeranka:
Adat berumah betuntung temetung
Adat bumai betangkup punjung
Adat ngasu bebagi semeliung
Adat napang bekunsi rintung
Adat beban suam beliung
Adat berikan bedua’ untung
Pemanah jungkung
Sida betembung tumbuh besendi’. Pemanah bintang
Sida begentilang tumbuh bekecheli’. Pemanah semut
Sida besaup berangkut, beribit bai’. Pemanah ikan
Sida beraban, bereta ngaban
Ngempas di kerangan ulu ai’. Tang penyai’ kitai mensia
Udu rangka’ raya, sapu semua
Enggai beberi’, makai nengali’ Bejalaika tanggungjawab
nyadi Tuai
Sigi’ ukai senang
Laban sungai enda’ tau’ nadai wung
Kayu’ enda’ tau’ nadai bungkung
Sungai enda’ tau’ nadai gerugu’ Betung enda’ tau’ nadai
buku’. Kitai ke Tuai patut betesau, beputikka bala
Laban pusin dunya diatu’ Bemain ngena’ game of numbers.
Sapa ke enggai, ansak
Sapa ke lembau, pajak
Sapa ke leso, pasak
Sapa ke tinduk, gerak
Sapa ke lubah, arak.
Sida ke labuh, katung
Sika ke rebah, tanggung
Sida ke tumbang, sukung
Sida ke suntuk, tulung
Sida ke tinggal, anjung
Sida ke rapas, surung
Sida ke tengelam, pelepung
Sida ke bentur, kenjung
Sida ke pandak, tamping
Sida ke rarat, apung.
Iya ke baruh, panggal
Iya ke meranggang, sedal
Iya ke singai, tekal
Iya ke tiris, pakal
Iya ke panjai, tikal
Iya ke belung, kedar
Iya ke repa’, papar
Iya ke bias, tawar.
Ngambika kitai Dayak
Sama bebatak nunda’ anak pandung jelayan
Sama beririt baka tarit tali unan
Ngiri’ lalu ngesuh
Matan lalu ngambuh’ Nempa’ lalu nyepuh
Anembiak kitai Dayak
Ke majak rapa’ di peda’ mata menchenung
Ke majak lemi’ di pelepi’ pala’ patung
Ke majak ikak di kechiak arung beradung
Ke majak penat di rakat tamping perempung
Ke majak tepejuh jauh ke dalam kampung
Ke majak tesat kena’ serangkap miga bekurung
Ngambika sia’ iya enda’ baka rusa’ Nyau terunda’-runda’
makai buah empasa’ Enda’ nemu diri kena’ sintak amba’ jarin rutan.
Ngambika sida’ iya enda’ baka kijang
Nyau rindang makai buah jabang
Enda’ nemu diri’ kena’ tebak jerungkang tanam.
Ngambika sida’ iya enda’ baka pelanduk
Udu gauk-nyinuk makai buah abuk
Enda’ nemu diri’ kena’ sintak panjuk, beumpanka buah
buan.
Utai manah kitai begerah
Utai nguntung kitai begempung
Jalai senang kitai beperansang
Jalai nyamai kitai bekumbai
Singkang ngena’ kitai betunda
Singkang ngidup kitai besaup.
Biar pengelandik digembar penemu
Biar ulah manah intu
Biar ati tuchi chiru
Biar jaku siru’ menuku
Biar kereja bisi’ tuju
Biar penawa’ bisi’ bunsu
Alai betumpu, beruntu nyingkang.
Meruan jelan, meruan peduman
Tawak ngakas mutai dirandang...
HOOOHAAA!
Udanh pengawa’ Bepilih Besai Nengeri Sarawak
Dalam taun 2016 tu’ ila’ Aku ngajihka kitai Dayak tau’
bulih mimpi manah
Mimpi dibai’ orang nyempalang bintang enggau umbang
pinang tuai
Nyuluk bulan nyentuk enggau santuk sangkuh gansai
Bebentur di lubang Guntur ke temepur saring begagai
Bepaut di lubang rebut ke bepuput biau balai
Manchung di wung tujuh ranggung rantau panjai
Ngelimbang batu galang lubang beluai
Mimpi dibai’ orang nyempalang bintang enggau embang
pinang kejekan
Nyuluk bulan nyentuk enggau snatuk sangkuh suran
Bebentur di lubang Guntur ke temepur saring nemeram
Bepaut di lubang rebut ke bepuput kaya begumtam
Manchung di wang tujuh ranggung lapan betangkan
Neglimbang batu galang lubang besiran.
Mimpi nyatu’ kalu’ rian keban
Mimpi nyarau sibau mansau setandan
Mimpi ngerarahka buah melanjan buban
Mimpi ngeruruk tampuk ati bulan.
Ngambi’ enti’ jai’ Kitai jai’ empili’ burit tajam
Ngambi’ enti’ umang
Kitai umang kenyalang tansang meruan.
Isa’ jai’ Kitai jai’ empili’ juring putting
Isa’ umang
Kitai umang kenyalang tangkung kekaling.
Tuan Speaker, with those observations about the lack of
progress of the Iban
community in mind, I humbly support the motion of thanks
to our Tuan Yang Terutama Yang
di-Pertua Negeri on His Excellency’s address at the
opening of this meeting of the august
House.
Thank you.
Tuan Speaker: Ya ajak jako nuan?
Y.B. George anak Lagong: Auk. Nya ajak.
Tuan Speaker: Nya ajak. Terima kasih lah. Aku kaseh sidak
steno ni ke tulis utai nyak.
Bisik gik berjako? Nuan udah tadik udah. Ndak ulih agik.
No comments:
Post a Comment